Siglir tar il cuntegn

Header

cuntegn

Exteriur Ovra atomara Fessenheim: Situaziun era adina sut controlla

La surveglianza nucleara en Frantscha refusa las rinfatschas en connex cun l'incap tar l'ovra atomara da Fessenheim. La situaziun era adina sut controlla.

Sco pliras gasettas regiunalas scrivan haja il gestiunari da l’ovra atomara da Fessenheim gì l’entir temp sut controlla la situaziun. Il venderdi avevan pliras gasettas da la Germania rapportà che las autoritads franzosas hajan banalisà l'incident, quel saja stà pli gravant che supponì.

Avant dus onn aveva in'erupziun d'aua l'emprim donnegià l'electrica da l’ovra atomara, sco consequenza era il reactur vegnì tschentà giu. L’ovra atomara Fessenheim è la pli veglia ovra atomara da la Frantscha. Ella sa chatta en l’Alsazia gist dasper in canal dal Rain sin ils cunfins cun la Germania. Ils adversaris pretendan gia daditg che l’ovra atomara vegnia prendida ord funcziun.

RR novitads 12:00

Artitgels legids il pli savens