Siglir tar il cuntegn

Header

cuntegn

Ovra d'agid en Palestina Krähenbühl sa retira sco schef

Il Svizzer Pierre Krähenbühl n'è betg pli manader da l'Ovra d'agid da l'ONU per fugitivs palestinais en l'Orient Proxim (UNRWA). El è sa retratg per immediat.

Krähenbühl saja sa retratg pervi d'ina inquisiziun interna cunter sia persuna, ha communitgà l'ONU. Concret giaja per ses eventual management mal, favurisaziuns, cumportament sexual sbaglià, discriminaziuns e surdiever da la pussanza. Krähenbühl refusa tut las renfatschas.

Pierre Krähenbühl.
Legenda: Per immediat è Pierre Krähenbühl sa retratg da ses uffizi sco manader da l'Ovra d'agid da l'ONU per fugitivs palestinais en l'Orient Proxim. Keystone

Il biro dal secretari general da la ONU António Guterres ha annunzià ch'il vice Christian Saunders substitueschia per il mument il manader da l'Ovra d'agid da l'ONU per fugitivs palestinais en l'Orient Proxim.

Svizra retegn daners per UNRWA

Il Departament federal d'affars exteriurs (EDA) ha prendì per enconuschientscha la disditga da Krähenbühl, ha l'EDA communitgà. L'Ovra d'agid da l'ONU per fugitivs palestinais en l'Orient Proxim haja infurmà l'EDA ils 29 da fanadur ch'i dettia ina inquisiziun cunter Krähenbühl. Enfin ch'il cas è sclerì, retegna la Svizra ils pajaments a l'ovra d'agid.

RR novitads 06:00