Siglir tar il cuntegn

Header

algas en aua.
Legenda: Sper il stgaudament dal clima sajan era las algas la culpa che las mars perdian oxigen. Keystone
cuntegn

Oxigen en las mars Als peschs manca l'aria

Las mars cuntegnan adina pli pauc oxigen e pericliteschan uschia la populaziun da peschs. Quai resulta d'in rapport che l'Uniun internaziunala per la conservaziun da la natira ha preschentà a la Conferenza mundiala per il clima a Madrid.

I dettia duas raschuns per la reducziun da l'oxigen en las mars. Per l'ina il stgaudament dal clima. Tras quel vegnia er l'aua pli chauda e pli chauda che l'aua è e pli pauc oxigen ch'ella cuntegna. Per l'autra promovia la polluziun da las auas cun substanzas nutritivas ord tratgas da peschs u ladim il crescher da las algas. Quellas dovrian bler oxigen per puspè sa dissolver.

Quai è cartaivlamain l'ultim signal d'alarm che l'umanitad survegn da quai ch'ella ha fatg en las mars mundialas.
Autur: Dan Laffoleyin dals editurs dal rapport

700 regiuns da mars

Sin l'entir mund sajan circa 700 regiuns da mars pertutgadas, tranter quellas er la Mar da l'Ost e la Mar Naira. Talas duas mars sajan ils dus pli gronds sistems ecologics maritims serrads cun ina concentraziun d'oxigen bassa, hai num en il rapport. Fertant ch'i dettia en la Mar Naira per part raschuns natiralas per la concentraziun bassa, sajan en la Mar da l'Ost cunzunt il stgaudament dal clima ed il ladim la culpa.

RTR novitads 12:00

Artitgels legids il pli savens

Scrollar a sanestra Scrollar a dretga