Il pli ferm stemprà dapi decennis ha furià en il sid da la Tailanda. Fin uss na datti naginas indicaziuns uffizialas davart unfrendas u donns pli gronds. Il stemprà «Pabuk» haja purtà ferma plievgia, vents ed undas da fin a tschintg meters. Passa 6'000 abitants eran vegnids evacuads.
Las regiuns turisticas Phuket, Ko Samui e Krabi sajan vegnidas schanegiadas dal stemprà. Quai han communitgà las autoritads localas. Actualmain sa movia «Pabuk» cun ina spertadad dad 80 kilometers l'ura vinavant en direcziun vest. Las autoritads avevan avertì che «Pabuk» pudess esser uschè destructiv sco il stemprà «Harriet» il 1962. Quel aveva mazzà prest 1'000 persunas en il pajais.
