Il congress american ha approvà mardi cun gronda maioritad in pachet d’agid cunter corona da 900 milliardas dollars. Il president partent, Donald Trump, ha crititgà quest pachet via Twitter. Sch’el vegnia dentant ad exprimer il veto, n’ha el betg tradì. Tenor tweet disturbia el la summa dal pajament unic a persunas che sajan pertutgadas da la pandemia. Concret sajan 600 dollars memia pauc, Trump veglia pli gugent emetter schecs da 2'000 dollars.
Represchentants dals democrats e republicans avevan plirs mais debattà davart quest nov pachet che duess mitigiar las consequenzas da la pandemia. Fin uss èn passa 18 milliuns umans s'infectads cun il coronavirus en ils Stadis Unids, 320'000 èn morts pervi da Covid-19.
audio
Per tadlar: Las novitads da las 08:00
ord RTR Audio dals 23.12.2020.
laschar ir. Durada: 5 minutas 38 Secundas.