Legenda:
En il Tschad èn blers millis persunas sin la fugia da la gruppaziun terroristica Boko Haram.
Keystone
cuntegn
Exteriur - Pachet d'agid finanzial per l'Africa
La cumissiun da l'Uniun europeica ha fullà via per in fond d'agid da 1,8 milliardas euros per sustegnair meglier ils stadis africans en la crisa da fugitivs. Ils daners per quest fond derivan dal budget da l'UE.
Ulteriurs daners duain vegnir dals stadis commember da l'UE.
Cun il fond d'agid vul l'Uniun europeica cumbatter la migraziun chaschunada da la povradad, dentant er promover il cumbat cunter cuntrabandists criminals.
En il center stattan pajais ord la zona da Sahel, da la regiun dal Tschad, al Corn da l'Africa ed en l’Africa dal nord. Da quests pajais anora sa mettan blers migrants sin via vers l’Europa.
