Siglir tar il cuntegn

Header

purtret dal cumissari da l'UE Dombrovskis
Legenda: Il cumissari da l'UE Dombrovskis avertescha da realisar tant pli spert la cunvegna. Keystone
cuntegn

Exteriur Pact tranter UE e la Tirchia è en vigur

Dapi mesanotg è en vigur la cunvegna da fugitivs dispitaivla tranter l'UE e la Tirchia. En la Grezia n'èn las autoritads dentant betg prontas per realisar la cunvegna. Detagls impurtants na sajan betg sclerids ed i manchia il persunal han ditg divers represchentants d'uffizis grecs.

Las cunvegnas en connex cun il pact da fugitivs èn formalmain en vigur, la realisaziun pudess dentant anc durar in temp.

En la Grezia manca il persunal, ils emploiads tircs na sajan anc betg en il lieu e betg sclerids èn ils detagls per trametter e transportar enavos ils fugitivs en la Tirchia, uschia hai gì num ord circuls da las autoritads grecas.

Repatriaziun sfurzada

Il pact prevesa che tut ils fugitivs che van davent da la dumengia illegalmain da la Tirchia en la Grezia vegnan repatriads davent l'entschatta avrigl. Avant han ils fugitivs il dretg sin in'examinaziun da cas singul en la Grezia. Restar dastgan be quests fugitivs che pon cumprovar ch'els vegnan persequitads en la Tirchia.

Radund la mesadad dals fugitivs en la Grezia èn Sirians. L'UE è sa declerada pronta da prender da la Tirchia radund 72'000 fugitivs da la Siria. Per mintga Sirian che turna en la Tirchia vul l'UE prender si in fugitiv sirian. Anc betg cler è dentant la repartiziun dals fugitivs en l'UE.

I dovra millis spezialists

Tenor la cumissiun da l'UE dovra la Grezia radund 4'000 spezialists per metter enturn la cunvegna. Sulet per ellavurar las dumondas d'asil dovria radund 400 translaturs e 400 spezialist d'asil, ha declerà l'autoritad a Brüssel.

RR novitads 6:00

Artitgels legids il pli savens

Ir a sanester Ir a dretg