Exteriur - Paja minimala en l’Ucraina uss pli bassa ch’en la Ghana
En l'Ucraina è la paja minimala crudada sut la valur da stadis povers sco l'Africa u l'Asia, quai suenter la massiva perdita da la valuta naziunala Griwna.
Il mument gudogna in emploià ucranais uschia bun 40 francs il mais, rapporta l'emettur da televisiun Ukraina. Per cumparegliar: En il Bangladesch, la Ghana u la Sambia gudogna in emploià cun 44 francs statisticamain dapli ch'ils abitants dal segund grond pajais europeic.
Dapi la cupitgada dal president Viktor Janukowitsch d'avant in onn ha la valuta naziunala pers passa 70%.
