Siglir tar il cuntegn

Header

Purtret d'in camiun che squitta ora in liquid en l'entira citad.
Legenda: En in'acziun gronda ha la Siria empruvà da sterilisar il venderdi la chapitala Damascus, per evitar ch'il virus sa derasia, là n'eran anc nagins cas enconuschents en Siria. Keystone
cuntegn

Pajais en guerra civila Siria annunzia emprima infecziun da corona

Dasper la guerra civila uss er anc il coronavirus. Las autoritads en la Siria han annunzià in'emprima infecziun. Quella saja vegnida constatada tar ina persuna che saja arrivada da l'exteriur. Per cumbatter la pandemia vegnia tut il traffic public e privat interrut. Vias da colliaziun tranter las provinzas vegnian serradas.

Gia l'emna passada ha la Siria decidì da serrar las scolas ed universitads enfin ils 2 d'avrigl, sco era da desdir tuttas occurrenzas culturalas e sportivas. Las elecziuns dal parlament ils 13 d'avrigl han ins spustà sin ils 20 da matg.

En la Siria regia dapi nov onns ina guerra civila. Milliuns da persunas èn fugidas dals cumbats. L'Organisaziun mundiala da sanadad WHO, avertescha ch'il sistem da sanadad en la Siria na saja probabel betg abel da vegnir a frida cun la nova situaziun.

RTR novitads 06:00

Artitgels legids il pli savens

Scrollar a sanestra Scrollar a dretga