Siglir tar il cuntegn

Header

Navigaziun

Juan Guaidó.
Legenda: Sis pajas europeics renconuschan Juan Guaidó sco nov president da la Venezuela. Keystone
cuntegn

Exteriur Pajais europeics renconuschan Guaidó sco president

Suenter che Maduro ha laschà passar l'ultimatun da sis pajas europeics da proclamar novas elecziuns, han quels uss renconuschì il president dal parlament, Juan Guaidó, sco president da la Venezuela.

Suenter la Spagna e la Frantscha han er la Gronda Britannia, l'Austria, la Svezia e la Germania communitgà, ch'ellas renconuschian il president dal parlament da la Venezuela, Juan Guaidó, sco president ad interim legitim.

Plirs stadis da l'UE avevan pretendì da Maduro da proclamar fin questa notg novas elecziuns. Autramain vegnian els a partir dad oz a renconuscher uffizialmain Juan Guaidó, il president dal parlament sco president ad interim. Nicolás Maduro aveva declerà envers l'emettur Antena 3 ch'el refusia da proclamar novas elecziuns. Tge che l'UE veglia, n'interesseschia betg el.

Er Trump ha augmentà squitsch

Il president american Donald Trump, aveva la dumengia anc ina gida augmentà il squitsch sin Maduro e ditg ch'el na sclaudia betg pli in'intervenziun militara en la Venezuela. La Russia ha sinaquai appellà da sa retegnair. La finamira saja da gidar la Venezuela, senza sa maschadar a moda destructiva. La Russia tutga tar ils pli gronds crediturs da la Venezuela.

RR novitads 06:00