Ils trais attatgaders sajan era morts. Dus dad els hajan siglientà vestas cun material explosiv. In saja vegnì sajettà giu da la polizia.
Ils trais umens hajan sajettà giu la guardia e lura entrads en il territori da la scola. Passa 700 scolars da polizia sajan stads là, ha ditg il minister. Els hajan pudì entrar enfin en ina sala da durmir nua ch'el hajan entschiet a sajettar sin ils cadets che durmivan. Els hajan er prendì pliras persunas sco ostagis. La polizia ha liberà radund 250 persunas.
La milissa terroristica Stadi Islamic è sa declerada responsabla per l'attatga. La scola da polizia da la citad Quetta è adina puspè la mira d'attatgas terroristicas.
RR novitads 06:00