Sin il campus eran il mument da l'attatga radund 3'000 studentas e students. Tenor medias ha l'attatga sin l'universitad Bacha-Khan cumenzà las 9:30 temp local. La polizia ha discurrì da 4 umens armads ch'hajan attatgà l'universitad. Tuts attatgaders sajan vegnids mazzads.
Act da vendetga
La gruppa da rebells islama Tehreek-e-Taliban è sa declerada responsabla per l'attatga. Quatter attentaders da suizidi hajan fatg l'attatga sin l'universitad ha ditg il cumandant dals Taliban a l'agentura da novitads franzosa AFP. L'attatga saja ina vendetga per l'offensiva militara cunter il rebels.
La provinza Khyber Pakthunkhwar è ina bastiun dals Talibans en il Pakistan. Il december 2014 avevan els mazzacrà 136 uffants en ina scola a Peshawar. Sinaquai ha l'armada dal Pakistan cumenzà grondas offensivas cunter ils extremists.
RR novitads 7:00/11:00