Pakistan: Attatga sin dretgira

Entras duas bumbas ch'èn explodidas en la citad Mardan moran almain 17 persunas.

Uffizials pakistans examineschan ina part dal bajetg ch'è pertutgà da l'explosiun a Mardan. Bild in Lightbox öffnen.

Legenda da maletgs: Uffizials pakistans examineschan il bajetg ch'è pertutgà da l'explosiun a Mardan. Keystone

Tranter ils morts sajan surtut advocats e polizists, ma er passants, ha ditg in represchentant da l'equipa da salvament. Ultra da quai haja dà almain 40 blessads. Tgi ch'è responsabel per l'attatga n'è anc betg cler.

Curt avant quest'attatga avevi dà in'attatga da suicidi en in quartier da cristians en il nord-vest da la citad. Ils quatter attatgaders ed ina guardia èn morts. Per quest'attatga ha la gruppa Dschamaat-ur-Ahrar surpiglià la responsabladad.

L'ultim temp avevi adina puspè dà attatgas sin la giustia en il Pakistan. Il december eran 20 persunas mortas tar in'attatga sin il bajetg da la regenza a Mardan. Er lezza gia aveva la gruppa Dschamaat-ur-Ahrar surpiglià la responsabladad.

RR novitads 11:00