Siglir tar il cuntegn
cuntegn

Exteriur Palma d'aur va al drama da famiglia «Shoplifters»

La palma d’aur dal festival da film a Cannes va quest onn al film giapunais «Shoplifters» dal regissur Hirokazo Kore-Eda. Il film va sur d’ina famiglia che viva al ur da la societad.

Kore-Eda Hirokazu cun la Palma d'aur.
Legenda: Kore-Eda Hirokazu, il victur da la Palma d'aur. Keystone

Il reschissur giapunais da 55 onns, Kore-Eda Hirokazu raquinta en ses film, d'ina famiglia cumponida da nunconformists che viva a l'ur da la societad. Gia il 2013 aveva il cineast gudagnà a Cannes il premi da la schuria per ses drama «Like Father, Like Son».

Il grond premi da la schuria – la segund'impurtanta distincziun dal festival – va a quest onn a l'American Spike Lee. Sia satira «BlacKkKlansman» sa basa sin l'istorgia vaira d'in poilicist nair ch'era ils onns 1970 entrà dascus en il clan rassistic Ku Klux.

Palma d'aur extraordinaria per Godard

Sco meglier actur è vegnì undrà il Talian Marcello Fonte per sia rolla en il film «Dogman» dal reschissur Matteo Garrone. Sco meglra actura è vegnida elegida Samal Yeslyamova dal Kasachstan dal Nord per sia prestaziun en il film «Ayka» da Sergey Dvortsevoy.

Per l'emprima giada en l'istorgia dal festival è vegnida surdada ina Palma d'aur extraordinaria – quai al reschissur Jean-Luc Goddard, perquai ch'el defineschia adina puspè da nov il kino, uschia l'argumentaziun da la presidenta da la schuria Cate Blanchett.

RR novitads 06:00