Soria refusescha questas renfatschas. Cun sia demissiun veglia el però evitar che sia partida vegnia anc donnegiada dapli – argumentescha il politicher sia decisiun. El sa retira er sco represchentant e sco president da la partida conservativa PP.
La partida è dapi intgin temp sut squitsch pervi da pliras afferas da corrupziun. A las elecziuns il december passà aveva la PP fatg las pli bleras vuschs, entant pers la maioritad absoluta. Ils socialists emprovan da furmar ina coaliziun da regenza ed il primminister Mariano Rajoy administrescha sulet anc las fatschentas. Rajoy quinta cun il naufragi da la coaliziun e cun elecziuns novas ils 26 da zercladur.
RR novitads 11:00