Cunzunt en pajais cun mesiras da protecziun severas sajan ils effects stads visibel fitg bain. Quai demussa in studi communabel da la Scol'auta spezialisada dal Grischun ensemen cun l'Universitad tecnica da Kaiserslautern en Germania. L'analisa sa basa sin datas rimnadas tranter l'entschatta da l'onn ed ils 23 da mars. En l'Italia u la Frantscha, nua che las autoritads han ordinà mesiras rigurusas, sco scumonds da sortir, èsi vegnì duvrà marcantamain pli pauca energia.
La Svizra produciva dentant gia avant damain emissiuns da CO2 ch'auters pajais europeics, quai pervi da la gronda cumpart d'energia idraulica ed atomara. Quai na veglia dentant anc betg dir che la Svizra cuntanschia uschia sias finamiras dal clima per il 2020. Tenor il studi possia la regenza dentant emprender bler ord la situaziun actuala.
