Siglir tar il cuntegn
Inhalt

Exteriur Papa admonescha la Pologna da prender si fugitivs

Papa Francestg vul che la regenza polacca prendia si fugitivs. Quai ha el ditg a l'entschatta da sia emprima visita en la Pologna. I saja necessari da prender si las persunas che fugian da guerras e da la fom.

Papa Francestg è arrivà en la Pologna per sia visita da 5 dis.
Legenda: Papa Francestg è arrivà en la Pologna per sia visita da 5 dis. Keystone

Cuntrari ad auters pajais da l'Uniun europeica na vul la Pologna betg prender si in dumber considerabel da fugitivs muslims da la Siria, l'Irac u da l'Afghanistan. Quai aveva la scheffa da la regenza Beata Szydlo danovamain ditg suenter ils ultims attentats en la Germania e la Frantscha.

Il mund è en guerra

Gia tar sia arrivada da ses viadi da 5 dis en Pologna ha el prendì posiziun davart il mazzament dad in spiritual en ina baselgia en il nord da la Frantscha. Il mund saja en guerra, ma i na saja betg ina guerra religiusa cunquai che tut las religiuns giavischan pasch. L'ultima seria d'attentats saja vegnida chaschunada tranter auter dad interess economics.

Novitads 20:00