Ils ultims 100 onns haja l'umanitad fatg atras 3 grondas tragedias, uschia il pontifex a chaschun dad ina messa commemorativa per las unfrendas da la mazzacra en Tirchia. L'emprima haja tutgà il pievel armen e vegnia en general considerada sco genocid.
Vinavant ha il papa ditg ch'il nazissem ed il stalinissem sajan responsabels per ils dus ulteriurs genocids dal 20avel tschientaner.
Tirchia snega genocid
Durant l'emprima guerra mundiala èn milliuns dad armens en l'Imperi osmanic vegnids stgatschads u mazzads. La Tirchia sco successura legala da l'imperi snega però vehementamain ch'i sa tractia qua dad in genocid. Istorichers quintan che da quai da 1,5 milliuns Armens eran vegnids mazzads durant l’emprima guerra mundiala.
RR novitads 12:00