Siglir tar il cuntegn
Inhalt

Exteriur Papa Francestg - dapi 2 onns nov vent en il Vatican

Precis avant 2 onns ha il conclave elegì Papa Francestg sco nov pontifex. Il Papa dals paupers, in um liberal e modest, gea schizunt d'in Papa revoluziunar èsi vegnì scrit.

Papa Francestg ensemen cun persunas da las Filippinas.
Legenda: Datiers dals cartents è Papa Francestg era stà tar sia visita il schaner sin las Filippinas. Keystone

Ma quellas vuschs èn vegnidas pli da bass. Far midadas en in apparat sco il Vatican saja fitg grev, quai din ils 2 augsegners Marcel Köhle, che cumenza la stad ses uffizi a Breil, ed Alfred Cavelti da Glion.

Tuttina persvada il Papa ils 2 augsegners cun sia cordialitad ed avertadad, era vers autras cardientschas e posiziuns. In Papa simpatic saja adina era buna reclama per la baselgia catolica. Quai sentian els en discurs cun la glieud.

Cun sia modestadad mussia Papa Francestg che na betg l'apparat enturn il Vatican stettia el center, mabain la cardientscha.