Exteriur - Papa Francestg ha exclus dus uvestgs dal Chile pevi da pedofilia
Perquai ch'els duaian avair malduvrà uffants perdan els lur titels d'uvestg e n'èn er betg pli plevons. Papa Francestg haja exclus ils dus uvestgs perquai ch'i dettia clers mussaments da pedofilia, scriva il Vatican.
Da remetter in plevon en il stan da laic è il pli grond chasti che la baselgia catolica po pronunziar cunter persunas ordinadas. Ils pertutgads perdan tut lur uffizis, dretgs ed obligaziuns che han da far insatge cun lur posiziun clericala. Er privat na dastgan els betg pli surpigliar posts u lavurs sacerdotalas.
Tar la baselgia catolica dal Chile datti suspects cunter 167 persunas pervi d'abus d'uffants, da quai 96 plevons.
