Tar ses pled da Nadal avant la curia da la baselgia catolica ha il papa dà gronda paisa al tema abus. En il passà haja la baselgia tractà blers cas senza la seriusadad necessaria. Ed il pli grond scandal saja, da vulair mascrar la vardad.
Il Papa Francestg vegn sez crititgà ferm per la maniera en la quala che la baselgia ha tractà ils scandals d'abus en il Chile ed en ils Stadis Unids. Uss haja el empermess che la baselgia vegnia a far tut il pussaivel per metter ils delinquents avant dretgira, rapporta las agenturas da novitads.
Per il favrer ha il pontifex clamà ad in inscunter en il Vatican davart il tema abus. Las spetgas ch'i dà la finala in resultat concret èn fitg grondas.
RR novitads 15:00