Papa Francestg visita ils Refurmads

Per l'entschatta da las festivitads da 500 onns refurmaziun l'onn proxim va il papa glindesdi che vegn en Svezia. Questa visita curta vala sco impurtant gest per l'ecumena.

Purtret da papa Francestg. Bild in Lightbox öffnen.

Legenda da maletgs: L'emprima giada dapi 27 onns visit puspè in papa la Svezia. El a chaschun da las festivitads da 500 onns refurmaziun. Keystone

Per il di da la refurmaziun è planisada ina festa communabla da Lutherans e Catolics. Rodund 600 giasts vegnan spetgads. Da la liturgia spetg'ins era ina decleranza communabla da papa Francestg ed il president da l'Uniun Lutherana internaziunala, uvestg Munib Younan.

Suenter questas festivitads tigna il papa in pled a Malmö, davant passa 10'000 persunas. Ses pled stat sut il motto «Dal conflict a la cuminanza - ensemen plain speranza». Per finir ses viadi festivescha papa Francestg il mardi en in stadion da ballape cun rodund 18'000 cartents.

Papa Francestg visita era la famiglia roiala. Quest è l'emprim viadi d'in papa en Scandinavia dapi il 1989. Là aveva papa Gion Paul II visità Stockholm. En Svezia vivan rodund 113'000 catolics.

RR novitads 12:00