Papa Franzestg ha da nov empermess d'intervegnir energicamain encunter abus sexual e da finir cun zuppentadas, dentant senza numnar consequenzas concretas dals decennis da crisa.
El veglia cumbatter l’abus en otg differents secturs, tranter auter tar la scolaziun da spirituals. Abus saja dentant in problem da l'entira societad, che pertutgia sur tut geniturs, parents, trenaders ed educaturs. En la baselgia paisia il problem dentant pli massiv.
Unfrendas ed experts èn s'indignads dal pled. Els pretendan che delinquents e persunas che zuppentan abus vegnian relaschadas dal stan clerical, ni che la structura da pussanza e las allianzas d'umens vegnian discutadas.
Differentas uniuns avevan pretendì dal Vatican d’avrir ses archiv ed instradà ina cumissiun independenta. Davart quellas pretensiuns ha il Papa dentant betg prendì posiziun.
A la fin da ses pled ha Papa Benedetg accentuà, ch'ils blers spirituals sajan innocents e che la stima da l'entira baselgia pateschia dals scandals.
RR novitads 14:00