4 onns suenter l'attatga da terror sin la redacziun da la revista satirica da Paris «Charlie Hebdo» èn politichers franzos sa regurdads da las unfrendas. Il minister da l'intern, Christophe Castaner, auters schefs da ressorts sco er la burgamestra da Paris, Anne Hidalgo, èn sa radunads en l'anteriur bajetg da la redacziun.
Tar l'attatga il schaner 2015 sin Charlie Hebdo, sin ina policista e sin in supermartgà giudaic èn en tut 17 persunas mortas. Ils trais delinquents islamistics èn vegnids sajettads giu da la polizia. Las attatgas han distatgà en la Frantscha ina seria da terror cun 250 morts.
RR novitads 18:00