Il parlament da la Frantscha ha approvà il pachet social en la valita da pliras milliardas euros. Quel duai calmar la malcuntentientscha dals «Gilets Jaunes» ed auters critichers da la regenza. Suenter ina debatta intensiva da passa 13 uras ha l'assamblea franzosa vuschà cun gronda maioritad per las refurmas.
Pliras mesiras socialas
Da nov ston ils Franzos betg pajar taglia sin sururas ni sin contribuziuns socialas, la paja minimala vegn auzada per 100 euros il mais e radund 70% da las persunas pensiunadas vegnan dispensads da l'auzament d'ina taxa sociala dispitaivla.
Opposiziun crititgescha
Da la perspectiva da l'opposiziun creescha la regenza cun quest pachet social però novas ingiustias. Crititgà vegn per exempel che mo ina part da las persunas pensiunadas profiteschian tar la mesira tar la taxa sociala. Ultra da quai crititgescha l'opposiziun ch'i sa tractia dad immensas expensas.
RR novitads 06:00