Siglir tar il cuntegn

Header

cuntegn

Exteriur Parlament grec accepta er 2. pachet da refurmas

Il parlament grec ha ditg gea ad in segund pachet da refurmas ed uschia fatg liber la via per tractativas davart in nov pachet d’agid. Sco quai che la televisiun greca rapporta han passa 151 dals 300 parlamentaris acceptà las refurmas necessarias.

Il gea dal parlament valeva sco segir, cunquai che l’opposiziun aveva gia ordavant signalisà ses sustegn. Tut en tut han 230 dals 300 deputads acceptà las refurmas. Il parlament ha tranter auter fixà ina basa legala per modernisar il sistem da giustia e lingias directivas per sanar bancas.

Tractativas pudessa cuntinuar il venderdi

Sco proxim datti ina valitaziun dals crediturs internaziunals, la cumissiun da l’UE, banca centrala europeica e dil Fond monetar internaziunal IWF. Vegnan er quels a la conclusiun che Athen haja realisà ils pass da refurma, pon las tractativas davart il terz program d’agid cuntinuar il venderdi. Quel prevesa sustegn finanzial da fin 86 milliardas per ils proxims 3 onns.

RR novitads 06:00

Artitgels legids il pli savens