Cun 251 vuschs gea cunter 32 na ha il parlament approvà il program proponì. Tsipras ha concedì che quest program saja dir e na correspundia betg a las empermischuns fatgas da sia partida. Dentant n'haja la Grezia nagina autra pussaivladad.
Bunas propostas
Or da circuls da l’UE hai num che las propostas fatgas da la Grezia sajan bunas e tant la cumissiun da l’UE sco il Fond monetar internaziunal e la Banca centrala europeica possian ir d’accord cun las propostas. Quai scrivan las agenturas da novitads. En discussiun saja in pachet d’agid da radund 74 milliardas euros.
Quest suentermezdi vegnan ils represchentants da la gruppa da l’euro a giuditgar las mesiras da spargn e las refurmas. Dumengia è alura planisà in inscunter extraordinari dals presidents dals stadis da l’UE.
RR novitads 11:00