Siglir tar il cuntegn
Inhalt

Exteriur Parlament talian approva plan preventiv dispitaivel

Cun quai ha il parlament approvà che l'Italia duai far proxim onn anc ina giada dapli daivets.

Purtret da Luigi Di Maio en il parlament.
Legenda: Primminister Luigi Di Maio ha survegnì tras il parlament ses preventiv dispitaivel. Keystone

La regenza precedenta vuleva in budget equilibrà fin il 2020. La regenza actuala da Lega ed il moviment da 5 Stailas sposta ussa questa finamira sin il 2021. Per l'onn che vegn prevesa ella ina quota da deficit da 2,4%, quai ch'è in augment. Cun circa 130% dal product naziunal brut ha l'Italia tants daivets sco strusch in auter pajais industrial. Dapi onns vul Brüssel perquai che l'Italia sminueschia ils daivets.

Ils plans da preventiv per la regenza taliana pon ussa vegnir preschentads a la cumissiun da l'Uniun Europeica. Lezza ha crititgà ils plans gia ordavant.

RR novitads 06:00