Exteriur - Parlamentaris europeics da la Front National en visier
Cunter parlamentaris dal Cussegl europeic da la partida dretg-extrema Front National investighescha la Procura publica franzosa pervi da probabla cugliunaria.
I va concret pervi d’irregularitads tar l’engaschi da 20 collavuraturs dal parlament, quai rapportan circuls da la giustia franzosa. La dumonda è sche tut questas 20 persunas lavuran per il parlament europeic u sch’ellas lavuran per la partida a Paris.
La scheffa dal Front National Marine Le Pen refusa las reproschas ed ha discurrì dad ina manipulaziun politica cunter la partida.