Siglir tar il cuntegn
Inhalt

Exteriur Partida conservativa da Rajoy gudogna elecziuns

En la Spagna ha la partida populara conservativa PP dal primminister Mariano Rajoy gudagnà las elecziuns.

mariano rajoy en posa d'engraziament
Legenda: Il primminister da la Spagna Mariano Rajoy en in pled als electurs da sia partida conservativa. Keystone

Tenor il resultat final vegn la PP sin 137 dals 350 sezs en il parlament. Quai èn 14 sez dapli ch'il december passà. La partida da Rajoy manchenta dentant la maioritad absoluta e dovra in partenari da coaliziun.

La segund ferma partida èn ils socialists cun 85 mandats avant l'allianza sanestra Unidos Podemos cun 71 mandats. Las elecziuns èn stadas necessarias, perquai che las partidas n'han betg pudì furmar ina coaliziun per reger.

RR novitads 06:00