Siglir tar il cuntegn

Header

Navigaziun

Il president ungarais Viktor Orban
Legenda: La partida Fidesz da Viktor Orban na tutga betg pli tar la Partida populara europeica. Keystone
cuntegn

Exteriur Partida da Victor Orban vegn suspendida

  • La EVP suspenda la partida Fidesz dal president ungarais Victor Orban
  • Quella decisiun vala per immediat e senza ina data da finiziun
  • 190 delegads da la Partida populara europeica han vuscha per, trais cunter ina suspensiun
  • Motiv è ina campagna da Fidesz en l'Ungaria

La Fidesz, la partida dal president ungarais Victor Orban, n'è betg pli commembra da la Partida populara europeica EVP. La suprastanza da la fracziun da l'EVP ha suspendì la Fidesz en il parlament da l'Uniun Europeica. La suspensiun vala per immediat e senza ina data da finiziun. Ina cumissiun d'experts duai examinar, schebain e cura che la Fidesz adempleschia ils criteris per ina commembranza.

Critichers renfatschan ad Orban ch'el sutmineschia cun sia politica tant la democrazia sco er il stadi da dretg. Il davos temp è Orban era vegnì sut squitsch pervi d'ina campagna cunter Brüssel. Fidesz aveva renfatschà ad il president da la cumissiun da l'Uniun Europeica ed al milliardari american George Soros ch'els sforzian l'immigraziun illegala en l'Uniun Europeica.

La Partida populara europeica

La EVP è ina partida politica da l'Europa en il parlament da l'Uniun Europeica. Ella cumbinescha partidas cristian-democraticas, conservativ-burgaisas sco era naziunal-conservativas fin a partidas populisticas da la dretga en l'Uniun Europeica.

RR novitads 20:00