Siglir tar il cuntegn
cuntegn

Exteriur Partis da «Bunga-Bunga» n’han naginas consequenzas per Berlusconi

L'anteriur primminister talian Silvio Berlusconi è vegnì declerà definitivamain liber en l'uschenumnà process da Ruby. La dretgira superiura a Roma ha confermà la sentenzia sco davosa instanza.

Silvio Berlusconi mira ord in auto.
Legenda: Ina giada dapli va in process cunter Silvio Berlusconi a fin senza ina sentenzia. Keystone

A Berlusconi era vegnì rinfatschà d’avair gì durant partis da «Bunga-Bunga» sex cun la prostituada Ruby, ch'era da lezzas uras minorenna. Gia en segunda instanza era Berlusconi vegnì declerà liber. Cunter lezza sentenzia aveva la procura publica dentant fatg recurs. L'emprima instanza aveva anc sentenzià el a 7 onns praschun.

L'affera n'è dentant anc betg a fin dal tut per el. Actualmain èn anc pendentas inquisiziuns, perquai che Berlusconi duai avair cumprà perditgas en il process da Ruby.

RR Novitads 06:00