Siglir tar il cuntegn

Exteriur Pasch be tras politica

La disditga dal vest en vista da la guerra en Siria è tenor investigaders da l’ONU conresponsabla per la fugia da massa vers l’Europa.

Fugitivs sirians en Jordania.
Legenda: Pertutgads da la guerra en la Siria èn cunzunt civilists. Keystone

Senza pasch en Siria tras ina schliaziun politica na possia la crisa da fugitivs betg vegnir franada, ha ditg il responsabel da las Naziuns Unidas per la Siria, Paulo Sérgio Pinheiro.

Cussegl da segirtad da l'ONU duai intervegnir

Pinheiro pretenda ch’il Cussegl da segirtad da l'ONU duai uss intervegnir. La tragedia dals fugitivs sirians haja uss cuntanschi l'Europa, ed ils civilists en Siria sajan las unfrendas principalas en il conflict.

Sentenzia per sustegn dals rebels

Vinavant ha Pinheiro sentenzià ils stadis che sustegnian la regenza ni las gruppaziuns dals rebels cun daners ni armas; numnà per num ha el dentant nagin, scrivan las agenturas da novitads.

RR novitads 14:00