Siglir tar il cuntegn

Header

cuntegn

Exteriur Passa 140 morts da terratrembel en Indonesia

Il terratrembel sin l'insla Lombok ha gì ina fermezza da 7,0. Il dumber d'unfrendas pudess anc crescher. Era sin l'insla vischina Bali han ins sentì il terratrembel.

Il terratrembel ha gì ina fermezza da 7,0. Er sin l'insla vischinanta da Bali han ins pudì sentir il terratrembel. Bajetgs sajan vegnids donnegiads. Las bleras persunas èn mortas da tocca ch'è crudada sin ellas.

Per il mument na datti nagins indizis che Svizzers u Svizras èn tranter las unfrendas. Il Departament federal d'affars stat en contact cun pliras persunas ed era cun las autoritads localas. Els sajan vid sclerir sch'i dettia Svizzers che sajan bloccads e sch'els dovrian agid da terzs.

Segund terratrembel en curt temp

Gia avant in'emna avevi dà in terratrembel cun pliras unfrendas en questa regiun. Quel aveva gì ina fermezza da 6,4. Ils abitants eran vegnids surprais la notg.

Tschinta da fieu dal Pacific

Avrir la box Serrar la box

En l'Indonesia datti savens terratrembels perquai ch'il stadi giascha sin l'uschenumnà «Pazifischer Feuerring». Là datti spezialmain blers vulcans. Era terratrembels datti savens e quels pon era chaschunar tsunamis.

RR novitads 06:00

Artitgels legids il pli savens