Siglir tar il cuntegn
Inhalt

Exteriur Passa 200 activists morts per proteger ambient

Durant l'onn 2017 èn passa 200 protecturs da la natira vegnids mazzads pervi da lur engaschi per proteger l'ambient. Quai tenor in'organisaziun nuguvernamentala. 60% dals cas sajan registrads en l'America latina, han annunzià activists da Global Witness scrit en in rapport.

Purtret da persunas che tignan si tavlas e chandailas.
Legenda: Demonstrants protestan cunter il mazzament dad activists. Reuters

Ils pli blers protecturs da la natira (57) sajan vegnids mazzads en la Brasilia. En las Filippinas hai dà tenor Global Witness 48 murdraretschs, en Columbia 24. En il Mexico è la situaziun anc vegnida in zic pli precara cun 15 murdraretschs. L'onn 2016 sajan trais protecturs vegnids mazzads.

Las pli bleras unfrendas sajan stads activists che sajan sa mess cunter projects agriculs. Global Witness ha numnà en quest connex la producziun da products da latg, charn-bov, mangola, ieli da palmas, soja e zutger da channa. L'onn avant eran ils blers activists morts pervi da projects en l'industria da minieras. Plinavant haja dà pli blers murdraretschs cun pliras persunas. En Brasilia haja dà trais mazzacras nua che 25 activists sajan vegnids mazzads, uschia l'organisaziun.

RR novitads 09:00