Passa 2262 fugitivs èn morts u valan anc sco sparids il 2018 en la Mar Mediterrana. Quai ha communitgà l’Autcumissariat da las Naziuns Unidas per ils fugitivs (UNHCR). L’onn avant era quai anc passa 3139 persunas ch'eran mortas tar l’emprova da traversar la mar.
Tut en tut constatescha la UNHCR ch'il dumber da fugitivs ch’èn arrivads en l’Europa sur la mar sa reducì per radund 35% sin 113'482. Avant 2 onns era quai anc passa 1 milliun persunas ch'èn fugidas. Las rutas dals fugitivs han tenor UNHCR però midà: Ils blers fugitivs sajan arrivads en Spagna e betg pli en l’Italia e la Grezia sco ils onns avant.
RR novitads 17:00