Ils emprims 20 dis dal mais favrer èn arrivads en la Grezia passa 30'000 fugitivs. Dapi l'entschatta da l'onn sajan passa 90'000 persunas arrivadas da la Tirchia en Grezia.
Quai communitgescha l'autcumissariat da las Naziuns Unidas per ils fugitivs UNHCR. L’onn passà eran fin il zercladur 2015 arrivads 31’000 fugitivs en Grezia. Alura ha l’unda gronda da fugitivs ord Siria e ulteriurs pajais cumenzà. Tenor la guardia da costa grecca èn las ultimas 72 uras vegnids liberads ord la mar Egeica passa 1’600 persunas.
