Dus dis suenter la disgrazia da bastiment sin las Filippinas è il dumber dals morts creschì sin passa 50. Quai ha confermà la guardia da costa. Passa 140 persunas hajan pudì vegnir salvadas ord l'aua. Il bastiment aveva fatg naufragi be 200 meters avant il port en la provinza Leyte.
Sco quai che l'agentura da novitads AFP rapporta saja il bastiment probabel stà surchargià. Entant ha la polizia da las Filippinas accusà l'equipa dal bastiment pervi da mazzament. La tschertga suenter ulteriuras unfrendas cuntinuescha.
RR novitads 11:00
sda/hs