Siglir tar il cuntegn

Header

cuntegn

Exteriur Passa 50 onns conflict – finalmain pasch

En la Columbia han la regenza ed ils rebels da la Farc terminà ufficialmain il conflict. Il president columbian Juan Manuel Santos ed il cummandant da la Farc Rodrigo Londoño, alias «Timoschenko» han suttascrit ina cunvgena da pasch.

Cun quai act istoric va a fin il pli vegl conflict en l'America latina. En consequenza da cumbats tranter l'armada, rebels da la sanestra e gruppaziuns paramilitaras èn vegnidas per la vita passa 220'000 persunas dapi il 1964. 45'000 persunas èn anc adina sparidas. Passa set milliuns persunas han gì da fugir.

La cunvegna è vegnida suttascrita cun in culli ch'è fatgs ord ina patrona ed è engravà cun ina columba da pasch. «Noss passà è vegnì scrit cun patronas, la furmaziun e scolaziun vegn a scriver noss futur», quai è era inscrit en il culli. Timoschenka è ultra da quai sa perstgisa e rugà per perdun per ils passa 50 onns sponder sang.

La cunvegna vegn deponida en Svizra

La Svizra duai magasinar la cunvegna da pasch tranter la Columbia ed ils rebels da la Farc. Cun deponer ina versiun da la cunvegna en Svizra, veglian la regenza columbiana ed ils rebels accentuar l'impurtanza da la cunvegna. Quai en il rom da la convenziun da Genevra. La Svizra na surpiglia però nagina responsabladad che la cunvegna vegnia era realisada, scriva il departament federal d'affars exteriurs.

Artitgels legids il pli savens