Siglir tar il cuntegn

Header

bartga sin la mar
Legenda: Adina puspè vegnan chattads fin 100 fugitivs en bartgas da gumma construidas per mo paucs tozzels persunas. Reuters
cuntegn

Exteriur Passa 6'000 fugitivs salvads en la Mar Mediterrana

En la Mar Mediterrana han las autoritads da controlla salvà 6'055 fugitivs en il decurs dal glindesdi. Era chattà en la mar hani 9 baras da fugitivs.

Ils 6'055 fugitivs ha la guardia da costa taliana salvà glindesdi. Els sajan stads en viadi cun 32 bartgas da gumma e 2 punteras. La guardia da costa taliana ha coordinà l’acziun da salvament en la mar radund 55 kilometers avant Tripolis. Ma era la marina taliana, missiuns da l’UE ed organisaziuns d’agid èn sa participadas a quest’acziun.

En pli ha la guardia da costa taliana chattà 9 fugitivs morts. Tenor indicaziuns da l'organisaziun internaziunala per migraziun èn fin ussa 3'054 persunas najadas il 2016 en la mar sin lur fugia.

La via maritima tranter la Libia e l'Italia è tenor organisaziuns d'agid entant la ruta principala da fugitivs vers l'Europa. Tenor l’organisaziun internaziunala per migraziun èn quest onn arrivads var 132’000 fugitivs en bartga en l’Italia. Quai saja pli u main la medema cifra sco l'onn passà.

RR novitads 06:00

Dapli da Exteriuravrir la Landingpage

Nach links scrollen Nach rechts scrollen