Siglir tar il cuntegn
Inhalt

Exteriur Passa 700'000 fugitivs aifer 9 mais

Ils emprims 9 mais dal 2015 han 710’000 fugitivs surpassà ils cunfins da l'Uniun europeica. Quai èn dubel uschè blers sco l'onn passà, communitgescha l'autoritad per la protecziun da cunfin europeica Frontex.

Fugitivs sin viadi.
Legenda: En l'Ungaria èn 204'000 fugitivs arrivads quest onn. Quai èn 13 giadas uschè blers sco l'onn passà. Keystone

L’onn passà avevan ins dumbrà 282’000 fugitivs tar ils cunfins da l’UE. Surtut las inslas grecas sajan pertutgadas dad in'unda sco quai ch'i n'haja anc mai dà. Fin la fin da settember han radund 600’000 migrants traversà la Mar mediterrana. Passa 3’000 èn morts sin lur viadi da fugia.

Grezia ed Italia dovran agid

Tenor il directur da la Frontex, Fabrice Leggeri, dovran ils pajais en il sid da l’Europa agid supplementar per pudair registrar ils novarrivads. Perquai ha el dumandà l’UE per 700 funcziunaris da cunfin supplementars.

RR novitads 17:00