Siglir tar il cuntegn

Header

Navigaziun

cuntegn

Exteriur Paucas catastrofas natiralas l'emprim mez onn

Ils pli blers pajais dal mund èn stads protegids l'emprim mez onn da catastrofas natiralas devastantas. Tenor la reassicuranza Munich Re muntan ils donns durant ils emprims sis mais da quest onn a radund 42 milliardas dollars. Quai è pli pauc che la mesadad da la media da plirs onns.

Ils pli blers mortoris ha chaschunà il ciclon «Idai» a Mosambik il mars. Là èn passa 1'000 persunas mortas. Las pli charas devastaziuns hai dà durant la segunda mesadad dal mais matg tar ina seria da tornados e malauras en ils Stadis Unids che han chaschunà donns da 3,3 milliardas dollars.

Dals donns da 42 milliardas dollars l'emprim mez onn eran 15 milliardas assicurads.

Munich Re documentescha gia dapi decennis tge donns che las catastrofas da la natira chaschunan.

RR novitads 14:00