Siglir tar il cuntegn

Header

cuntegn

Exteriur Paupradad extrema va enavos

La paupradad extrema sa reducescha quest onn sin l'entir mund per l'emprima giada sin sut 10%. Tenor la banca mundiala vivian 702 milliuns persunas en paupradad extrema. Quai sajan 9,6% da la populaziun mundiala.

L’onn 1999 vivevan 29% da la populaziun mundiala en paupradad extrema. L’onn 2012 eran quai anc 13% u 902 milliuns carstgauns.

Questas calculaziuns mussan a nus che nus essan l'emprima generaziun en l'istorgia da l'umanitad che pudess terminar la paupradad extrema.
Autur: Jim Yong Kim president banca mundiala

Sco extrem paupers valan carstgauns che ston viver cun sulet 1,90 dollars il di. Las Naziuns Unidas èn sa cunvegnidas il settember d’extirpar la paupradad extrema fin il 2030. La banca mundiala avertescha che dettia anc gronds obstachels per cuntanscher questa finamira. Surtut ils stadis en il sid da l’Africa sajan anc lunsch davent da surmuntar la paupradad extrema.

RR novitads 15:00

Artitgels legids il pli savens