Siglir tar il cuntegn

Header

cuntegn

Exteriur Pausa da cumbat en Siria: ma tuttina 135 morts

Dapi il cumenzament da la pausa da cumbat en Siria èn almain 135 persunas vegnidas mazzadas, quai annunzia il post d'observaziun per dretgs umans.

En las regiuns nua ch'i regia nagina pausa da cumbat sajan passa 550 persunas mortas l'emna passada, scriva il post d’observaziun sirian per ils dretgs umans. La pausa da cumbat sa basa sin ina cunvegna tranter ils Stadis Unids e la Russia. Er la regenza siriana ha acceptà la pausa da cumbat. Tenor las Naziuns Unidas vegn la pausa da cumbat per gronda part respectada. Per l'emna che vegn èn planisads novs discurs da pasch. Per las gruppaziuns terroristicas sco il Stadi islamic na vala la pausa da cumbat betg.

Probabel etappas en ils discurs da pasch

Ils discurs da pasch per la Siria ch'èn planisads per l'auter emna a Genevra vegnan probablamain a cumenzar en etappas. Discurs directs tranter las gruppas da conflict na sajan per il mument betg planisads, uschia ha ditg l'incumbensà spezial da las Naziuns Unidas per la Siria Staffan de Mistura. El quintia che la segunda runda dals discurs cumenzian la gievgia. In'emprima runda aveva quai gia dà il schaner ma senza success marcants.

RR novitads 17:00

Artitgels legids il pli savens