Siglir tar il cuntegn

Header

cuntegn

Exteriur Pausa da cumbat per Aleppo

La Russia e la Siria han interrut per immediat lur attatgas ord l’aria sin la citad d’Aleppo. Dapi il mardi en damaun na sgolian els naginas attatgas pli, ha ditg il minister da defensiun russ Sergej Schoigu envers l’agentura da novitads Tass.

Questa interrupziun saja necessaria per ina pausa umanitara dad otg uras ch'è prevesida per gievgia. L’armada siriana sa retiria uschè lunsch che cumbattants possian senza impediment bandunar l’ost da Aleppo tras dus corridors. Per civilists vegnian sis corridors averts, ha communitgà il minister russ.

Plinavant duain experts dal militar che s’inscuntran la mesemna a Genevra, survegnir cun il stop d’attatgas ord l’aria dapli spazi d’acziun.

RR novitads 10:00

Artitgels legids il pli savens