Siglir tar il cuntegn

Exteriur Pavlopoulos è nov president da la Grezia

En la Grezia ha il parlament elegì il conservativ Prokopis Pavlopoulos sco nov president dal stadi. Il schef da regenza sanester, Alexis Tsipras aveva proponì l'um da 64 onns per quest post.

Prokopis Pavlopoulos, il nov president da la Grezia
Legenda: Prokopis Pavlopoulos, il nov president da la Grezia. Keystone

Il december passà aveva l'elecziun d'in nov president anc fatg naufragi. La regenza da lezza giada n'haveva betg pudì recaltgar vuschs avunda per ses candidat. Suenter hai dà elecziuns novas.

Pavlopoulos è stà dal 2004 fin 2009 minister da l'intern da la Grezia. En la Grezia ha il president mo funcziuns da represchentaziun.

RR novitads 23:00