Siglir tar il cuntegn
Inhalt

Exteriur Pedro Parente duai daventar schef da Petrobras

En Brasilia survegn il concern d'ieli semi-statal Petrobras in nov schef. Il president transitoric Michel Temer ha nominà Pedro Parente per il post.

Il manager da 63 onns Pedro Parente.
Legenda: L’expert da finanzas da 63 onns, Pedro Parente. Keystone

L'expert da finanzas Pedro Parente (63) ch'ha gia fatg part da la direcziun avant onns, duai manar ord la crisa il concern d'ieli controllà dal stadi. Dapi il grond scandal da corrupziun ha la pli gronda interpresa brasiliana da cumbatter cun problems finanzials.

L'onn passà ha Petrobras fatg ina perdita da passa 9,5 milliardas francs. Dasper il bass pretsch per l'ieli patescha il concern er da la pli greva recessiun en Brasilia dapi ils onns 1930.

RR novitads 07:00