Siglir tar il cuntegn

Header

cuntegn

Exteriur Peking: emprim alarm cotschen pervi da smog

Pervi d’in nivel da smog han las autoritads chinaisas proclamà per la chapitala Peking per l’emprima giada il stadi d’alarm cotschen. A partir dal mardi dastgan sulettamain la mesadad dals autos privats ir sin via, scrivan las autoritads chinaisas.

Fabricas cun autas immissiuns nuschaivlas e plazzals gronds èn vegnids serrads. Ultra da quai è la populaziun admonida da star en chasa e sortir be sche necessari.

Bunamain 10 ga dapli particlas finas en l'aria che lubì

Durant il stadi d’alarm cotschen restan scolas e scolinas serradas. Lavurs da construcziun en il liber èn scumandadas ed intginas fatschentas d’industria ston restrenscher u franar lur manaschi. Ils experts meteorologics spetgan ch’il nivel da smog sa sclereschia uschia.

Uffants da scola e scolina restan a partir dal mardi a chasa.
Legenda: Uffants da scola e scolina restan a partir dal mardi a chasa. Keystone

Tenor indicaziuns da l’ambassadura americana èn las valurs da las particlas finas creschidas sin 243 micrograms per meter cubic, quai che munta ina qualitad d'aria «fitg malsanadaivel». L’Organisaziun mundiala da la sanadad recumonda ina valita maximala da 25 micrograms.

RR novitads 16:00

Artitgels legids il pli savens