Legenda:
Pelegrins muslims vi da trair crappa sco simbol per encrappar il diavel.
Keystone
cuntegn
Exteriur - Pelegrinadi a Mekka cuntinuescha suenter tschients da morts
In di suenter la panica da massa a Mekka han blers cartents muslims cuntinuà il pelegrinadi dal Hadsch cun encrappar il diavel. Ils pelegrins hajan passentà la notg a Mina nua che la disgrazia è capitada ier.
Tenor l'agentura da novitads AFP è la fulla da pelegrins però in zic main spessa che ier. Tar la panica da massa eran mortas ier almain 717 persunas, passa 800 eran vegnidas blessadas. Sinaquai ha l'Arabia Saudita annunzià ina inquisiziun.
