Siglir tar il cuntegn

Header

Navigaziun

cuntegn

Exteriur Pelosi nova pledadra en chombra da represchentants

A Washington è il nov parlament dals Stadis Unids, il congress, sa reunì per sia emprima sesida. En la chombra dals represchentants han da nov ils democrats la maioritad.

Purtret da Pelosi che tegna enta maun in martè.
Legenda: Nancy Pelosi è sco pledadra da la chombra dals represchentants la terz auta Americana. Keystone

La deputada Nancy Pelosi è vegnida elegida sco nova pledadra da la chombra dals represchentants. Quai cun 220 da 430 vuschs. La democrata da 78 onns è uschia la terz auta Americana suenter il president Donald Trump ed il vicepresident Mike Pence.

En ses pled ha Pelosi regurdà che las dunnas hajan exactamain dapi 100 onns il dretg d’eleger en ils Stadis Unids. Ella sa legria che uschè bleras dunnas sco anc mai sajan vegnidas elegidas en la chombra dals represchentants il november passà. Pelosi veglia rinforzar la classa mesauna e pretenda mesiras cunter la midada dal clima. Quai saja era ina dumonda da la segirezza naziunala.

President Trump ha gratulà a Pelosi sin sia elecziun. El speria sin ina buna cooperaziun. Quai surtut tar l’infrastructura.

RR novitads 06:00